Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

E-TJERA

Nisin hetimet për dëmtimin në sy të 28-vjeçarit, pezullohet efektivi që dhunoi brutalisht protestuesin

Politiko 25 October 2026, 09:36

Nisin hetimet për dëmtimin në sy të 28-vjeçarit,

Policia e Shtetit ka reaguar zyrtarisht pas protestës së studentëve dhe të rinjve të zhvilluar dje  në Tiranë, ku ka njoftuar nisjen e hetimeve për dëmtimin e rëndë në sy të 28-vjeçarit Erjon Vishkulli, si dhe pezullimin nga detyra të një efektivi të Forcës së Posaçme “Shqiponja”, i denoncuar për tejkalim të kompetencave gjatë ndërhyrjes.

Sipas njoftimit zyrtar, Drejtori i Përgjithshëm i Policisë së Shtetit, Skënder Hita, ka urdhëruar Drejtorinë e Standardeve Profesionale të nisë menjëherë hetimet administrative për të zbardhur rrethanat në të cilat i riu pësoi dëmtimin në sy.

Për të njëjtin incident kanë nisur hetimet edhe Agjencia e Mbikëqyrjes Policore dhe Prokuroria, me qëllim dokumentimin e plotë të ngjarjes dhe përcaktimin e përgjegjësive.

Pezullohet efektivi i “Shqiponjave”

Në një tjetër rast, të denoncuar mbrëmjen e djeshme Policia ka njoftuar pezullimin nga detyra të inspektorit A. K., efektiv i Forcës së Posaçme “Shqiponja”.

Sipas njoftimit të Policisë, efektivi është shfaqur duke tejkaluar kompetencat dhe duke mos respektuar parimin e proporcionalitetit gjatë ushtrimit të detyrës.

 

Të fundit