Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

Rajoni

“Mikesha” e Ramës drejt dorëheqjes? Meloni mund të çojë Italinë në zgjedhje të parakohshme

Politiko 25 October 2026, 14:12

“Mikesha” e Ramës drejt dorëheqjes? Meloni mund të

Kryeministrja italiane Giorgia Meloni mund të largohet nga detyra në mars 2027, duke i hapur rrugë zgjedhje të parakohshme parlamentare, sipas një raportimi të gazetës prestigjioze italiane La Repubblica, pasi vendi u përfshi nga protesta masive.

Sipas La Repubblica, Meloni e ka diskutuar mundësinë e dorëheqjes me partnerët e koalicionit qeverisës, Antonio Tajani, Matteo Salvini dhe Maurizio Lupi dhe se lëvizja mund të ndodhë pas samitit të Këshillit Evropian, që pritet të mbahet në Romë në mars, me rastin e 70-vjetorit të Traktateve të Romës.

Gazeta italiane raporton se data më e afërt e mundshme për zgjedhjet do të ishte 16 maji 2027, ndërsa një tjetër skenar parashikon mbajtjen e tyre në qershor, së bashku me zgjedhjet lokale. Megjithatë, deri tani nuk ka asnjë njoftim zyrtar për dorëheqjen e Melonit dhe drejtuesit e koalicionit vazhdojnë të deklarojnë publikisht se synojnë të përfundojnë mandatin e zakonshëm.

Meloni dhe Rama, dy qëndrime përballë presionit politik

Zhvillimet e raportuara në Itali marrin një dimension politik edhe në raport me Shqipërinë, ku Rama dhe Meloni kanë mbajtur marrëdhënie të afërta politike. Ndërsa në rastin e kryeministres italiane diskutohet mundësia e zgjedhjeve të parakohshme, në Shqipëri protestat studentore janë shoqëruar me kërkesa për dorëheqjen e Ramës dhe me përplasje mes protestuesve dhe policisë.

Rama, nga ana e tij, ka refuzuar kërkesat për largim nga pushteti dhe ka deklaruar se dorëheqja e tij nuk mund të imponohet përmes dhunës. Kryeministri ka paralajmëruar gjithashtu masa të reja ligjore për protestat, të cilat opozita i ka kundërshtuar vazhdimisht.

 

Të fundit