Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

SPORT

El Clásico ndez Camp Nou-n, zbardhen formacionet zyrtare të Barcelonës dhe Real Madridit

Politiko 25 October 2026, 20:50

El Clásico ndez Camp Nou-n, zbardhen formacionet zyrtare të

Barcelona dhe Real Madridi kanë bërë publike 11-shet titullare për përballjen e parë të El Clásico-s në La Liga, me të dy trajnerët që kanë përcaktuar zgjedhjet për një nga sfidat më të shumëpritura të futbollit spanjoll.

Te Barcelona, Hansi Flick ka ruajtur bazën e skuadrës, ndërsa ka bërë disa ndryshime në mesfushë dhe në repartin ofensiv. Dyshimi i fundit ishte mes Gordonit dhe Adeyemit, por tekniku gjerman ka vendosur t’i besojë vendin në formacion futbollistit anglez.

Nga ana tjetër, Real Madridi do të zbresë në fushë me Lunin mes shtyllave, pasi Thibaut Courtois do të mungojë për shkak të gripit. Në mbrojtje, Valverde është vendosur në krahun e djathtë, ndërsa Mourinho ka zgjedhur Huijsenin përkrah Konaté-së në qendër të prapavijës.

Në mesin e fushës, madrilenët do të mbështeten te Bernardo Silva dhe Tchouaméni, ndërsa Arda Güler do të aktivizohet në krahun e djathtë. Në repartin ofensiv, Mbappé do të udhëheqë sulmin, me Bellinghamin pas tij dhe Diomanden në krahun e majtë.

Tashmë gjithçka është gati për duelin mes dy rivalëve historikë, ku zgjedhjet e trajnerëve dhe mungesat në formacionet titullare do të jenë ndër elementet që do të ndiqen me interes gjatë përballjes në Camp Nou.

Të fundit