Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

E-TJERA

Erjon Vishkulli rrëfen momentin e plagosjes: Isha 30 metra larg efektivëve, po rrija pa asnjë reagim

Politiko 25 October 2026, 12:28

Erjon Vishkulli rrëfen momentin e plagosjes: Isha 30 metra larg

“Një goditje, eca rreth dy metra dhe rashë në tokë.” Kështu e përshkruan Erjon Vishkulli momentin kur u plagos në syrin e majtë gjatë protestës në Tiranë, në një dëshmi  për Top Channel. Plumbi i gomës ndodhet ende në syrin e tij, ndërsa 28-vjeçari përballet me dhimbje dhe pasiguri për shikimin.

 Vishkulli tregon se ndodhej pranë protestës për të takuar disa miq dhe se, pak para se të plagosej, kishte hequr maskën e oksigjenit. Sipas tij, policët ndodheshin rreth 30 metra larg dhe nuk kishte pasur asnjë reagim përpara goditjes.

“Vetëm kur më vjen një goditje, eca rreth dy metra dhe rashë në tokë”, rrëfen ai, duke përshkruar sekondat kur gjithçka ndryshoi.

Pas plagosjes, Erjoni thotë se ishte vetëm pjesërisht i vetëdijshëm. Ai kujton se një mik e ndihmoi dhe e transportoi me makinë, ndërsa më pas nisi përballja me dhimbjen dhe frikën për pasojat që mund të ketë dëmtimi në shikimin e tij.

“Vazhdoj ta kem ende plumbin e gomës në sy. Nuk e di tani të them se sa i lartë është rreziku, por e lehtë nuk është, sepse kam shumë dhimbje”, shprehet ai.

Deri tani është konfirmuar se është siguruar transporti i tij drejt një spitali në Romë, ku pritet të marrë trajtim më të specializuar mjekësor. Ndërkohë, pasiguria për gjendjen e syrit mbetet shqetësimi kryesor.

Në fund të intervistës, pavarësisht dhimbjes dhe asaj që po përjeton, Erjoni zgjedh të përcjellë një mesazh të shkurtër: “Vetëm fitore”.

I pyetur nga gazetari se çfarë do të thotë kjo shprehje për të, ai përgjigjet: “Shqipëria është e jona”.

Të fundit