Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

SPORT

Zbulohen dhjetë finalistët për Topin e Artë 2026, mes tyre edhe Messi

Politiko 26 October 2026, 19:53

Zbulohen dhjetë finalistët për Topin e Artë 2026, mes tyre

Yjet më të mëdhenj të futbollit botëror janë në garë për Topin e Artë 2026, çmimin individual më prestigjioz të këtij sporti. Ceremonia e edicionit të 70-të zhvillohet këtë të hënë në teatrin “London Palladium”, në Londër, ku do të shpallen fituesit e kategorive kryesore.

Në listën e kandidatëve për çmimin e meshkujve bëjnë pjesë emra të njohur si Lionel Messi, Kylian Mbappé, Erling Haaland, Harry Kane, Ousmane Dembélé dhe Lamine Yamal.

Vëmendje të veçantë merr prania e Messit, fitues i tetë Topave të Artë, i cili është sërish mes kandidatëve për këtë trofe. Në garë është edhe Rodri, fituesi i vitit 2024, si dhe Ousmane Dembélé, fituesi i edicionit të kaluar.

Lista përfshin gjithsej 30 futbollistë, mes të cilëve edhe Khvicha Kvaratskhelia, Michael Olise, Fabián Ruiz, Vinícius Júnior, Jude Bellingham dhe Luis Díaz.

Ceremonia nis në orën 21:00 sipas orës së Shqipërisë dhe përveç Topit të Artë për meshkuj dhe femra, gjatë mbrëmjes do të ndahen edhe çmime për talentet e reja, portierët, trajnerët dhe klubet më të mira.

Fituesit do të pasojnë Ousmane Dembélé dhe Aitana Bonmatí, të cilët triumfuan përkatësisht në kategoritë e meshkujve dhe femrave në vitin 2025.

Të fundit