Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

E-TJERA

Demokratët Europianë: Rama po përpiqet të përfitojë politikisht nga plagosja e Vishkullit

Politiko 26 October 2026, 19:22

Demokratët Europianë: Rama po përpiqet të

Demokratët Europianë kanë reaguar sërish ndaj kryeministrit Edi Rama, këtë herë për plagosjen e 28-vjeçarit Erjon Vishkulli gjatë protestave studentore në Tiranë, ku kanë kërkuar hetim të pavarur dhe përgjegjësi për personat e përfshirë.

Në deklaratën e tyre, ata pretendojnë se i riu është qëlluar në sy me plumb gome nga policia dhe se shikimi i tij është në rrezik. Për këtë arsye, kërkojnë hetim të pavarur për ngjarjen dhe ndalimin e përdorimit joproporcional të forcës nga efektivët.

“Ne kërkojmë një hetim të pavarur, përgjegjësi dhe fundin e dhunës joproporcionale të policisë”, thuhet në reagimin e Demokratëve Europianë.

Sipas tyre, kryeministri po përpiqet të marrë meritat personale për organizimin e trajtimit mjekësor të Vishkullit, pretendim që, sipas deklaratës, është kundërshtuar publikisht nga familjarët e tij.

“Zoti Rama, mbrojtja e qytetarëve është detyra juaj, jo një akt bujarie personale. Kujdesi mjekësor është një e drejtë, jo një favor nga kryeministri”, theksohet në reagim.

 Ata kërkojnë që vëmendja të përqendrohet te zbardhja e rrethanave të incidentit dhe përgjegjësia e mundshme e personave të përfshirë.

“Shqipëria ka nevojë për përgjegjësi, jo për vetëpromovim politik në kurriz të një të riu të plagosur”, përfundon deklarata.

 

Të fundit