Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

Ditari i Opozitës

Kërcënimet e Ramës, Berisha: U kthye në genin e babait të tij, por kjo revoltë do të fitojë

Politiko 25 October 2026, 13:01

Kërcënimet e Ramës, Berisha: U kthye në genin e babait

Kreu i Partisë Demokratike, Sali Berisha ka reaguar me tone të ashpra ndaj kryeministrit Edi Rama, pas paralajmërimeve të këtij të fundit për masa ligjore kundër dhunës gjatë protestave.

Berisha e akuzoi kryeministrin për rikthim te metodat e komunizmit, duke e lidhur retorikën e tij me të atin, Kristaq Rama, dhe duke e cilësuar paketën e re si një përpjekje për të kufizuar protestat.

Berisha: Sot doli, jo si Edi Rama, por si Edvin Kristaq Xhelati. 
Ka dy ditë që është rikthyer totalisht në genin e babait të tij xhelat. 
Kjo gjeneratë nuk e di, po babai i tij xhelat ishte një burrë i gjatë në pamje xhentëlmen, por në shpirt kriminel dhe shpirtkazmë, që firmoste varjen në litar, ndonëse ishte skulptor, firmoste varjen në litar të poetëve për vargjet e tyre. 
U kthye tek Koleka, ish-anëtari i Byrosë Politike terroristi i vërtetë, që edhe në '90-ën kërkonte t'u fuste tanket studentëve  kundër pluralizmit. 
Këto kërcënime i them mbaji për vete, se s'do mundesh kurrë të ndalosh asnjë njeri të dalë jashtë shteti, kanë ikur ato kohëra. 
Riktheu ligjin agjitacion-propagandë. 
Miq, diktatori i fundit komunist në Shqipëri, Ramiz Alia, para se të përmbysej shtatorja, bëri ligjin për mbrojtjen e personaliteteve. Dhe e kish hallin te mbrojtja e Enver Hoxhës.  Ajo ishte vetëm një thirrje, një apel, një thirrje, një apel. Dhe ne e kryem misionin tonë, e përmbysëm. 
Do përmbysim Edi Ramën. 
Edi Rama përmend gjoba, përmend dokrra, përmend shkopa, çfarë nuk përmend. 
Je i marrë fund, je i pashpresë. 
Jep dorëheqjen sa më parë të mos pësosh fatin e Çausheskut. 
Se detyrimet, borxhet, krimet tua ndaj shqiptarëve janë monstruoze. 
Kjo revoltë do të fitojë.

Të fundit