Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

Ditari i Maxhorancës

Majko “nxin” Vuçiç pas rënies nga pushteti, por a është edhe një kunj për Ramën?

Politiko 26 October 2026, 15:56

Majko “nxin” Vuçiç pas rënies nga pushteti, por a

Pandeli Majko, një prej figurave të njohura të PS-së ka zgjedhur humbjen e Aleksandër Vuçiç në Serbi për të publikuar një analizë mbi pushtetin, korrupsionin, kontrollin e institucioneve dhe ndërthurjen e politikës me interesat ekonomike e krimin e organizuar. 

Ish-kryeministri socialist nuk e përmend Edi Ramën, mikun e njohur politik të Vuçiç dhe as nuk bën një paralelizëm të drejtpërdrejtë me Shqipërinë, por kur një figurë e vjetër e PS-së përshkruan me këto terma fundin e një modeli qeverisjeje, pyetja lind vetvetiu se ky statuis është thjesht një analizë për Beogradin, apo mund të lexohet edhe si një kunj i tërthortë për pushtetin aktual në Shqipëri?

Statusi i plotë: 

IKJA E VUÇIÇ…
Aleksandër Vuçiç u largua nga pushteti! Ai nuk u rrëzua si një tiran. U tërhoq si një figurë e vjetër, që i kishte mbijetuar kohës së vet!
Aleksandër Vuçiç nuk përballoi fuqinë e botës së re mediatike të rrjeteve sociale, të shpejtë dhe të zhurmshme.
Historia do ta mbajë mend atë, jo për arritjet por për dështimet! Jo për atë që ndërtoi por për atë që ai shkatërroi!
Aleksandër Vuçiç kishte sharm! Ai ishte jo-konvencional dhe nuk kishte frikë të bënte eksperimente. Por, ai ishte i pakujdesshëm dhe vetëshkatërrues!
Të njëjtat cilësi që e kishin bërë të suksesshëm dhe dëshira e tij për ta bërë të aprovueshëm ishin ato të cilat e futën në krizë!
Aleksandër Vuçiç ishte i paaftë ti rezistonte joshjes së pushtetit!
Për të, morali ishte luks të cilin sistemi politik në Serbi nuk e përballonte!
Aleksandër Vuçiç ishte simbol i një sistemi ku pushteti politik dhe interesat ekonomike ushqyen njëri-tjetrin. Pasoja, ishte çmontimi i shtetit administrativ!
Ai e ktheu Serbinë në një shtet ku u përdorën ligjet, administrata dhe strukturat e sigurisë për të konsoliduar interesat e një grupi sundues të politikës, biznesit dhe krimit të organizuar!
Në periudhën e qeverisjes së Aleksandër Vuçiç kontrolli mbi institucionet në Serbi nuk ishte qëllim në vetvete.
Ai shërbente për të siguruar pasuri, për të mbrojtur aleatët dhe për të dobësuar çdo mekanizëm që mund të pengojë vazhdimësinë e pushtetit.
“Doktrina” Vuçiç ishte një dallim revolucionar nga mafia tradicionale për nga mënyra se si ushtrohet kontrolli. Ai e zhvendosi kuptimin e korrupsionit si një shkelje e veçuar e ligjit drejt një sistemi të organizuar ku shteti kthehet në “asistent”!
Në këtë logjikë, kompromisi me shkeljen e ligjit nuk ishte tradhti, por domosdoshmëri.
Aleksandër Vuçiç do të mbahet mend jo për ndonjë madhështi morale, por për paprekshmërinë.
Aleksandër Vuçiç humbi dje zgjedhjet! Nga dje, ai nuk i kontrollon më ngjarjet! Tashmë janë ato, që do ta kontrollojnë atë!

 

Majko “nxin” Vuçiç pas rënies nga pushteti, por a

Të fundit