Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

E-TJERA

Studentët sërish sot në shesh, Rama i provokon me stolat e betonit

Politiko 25 October 2026, 09:21

Studentët sërish sot në shesh, Rama i provokon me stolat e

Një ditë pas protestës masive të studentëve dhe të rinjve në Tiranë, kryeministri Edi Rama ka përsëritur ftesën e tij për dialog, përmes një postimi në rrjetet sociale. Kreu i qeverisë ka publikuar sërish pamjet e karrigeve dhe stolave të betonit të vendosura përpara Kryeministrisë, për t’u ulur në bisedime me protestuesit.

Megjithatë, ndryshe nga ditët e mëparshme, kur shfaqej personalisht në videot e publikuara përpara protestave, këtë herë Rama nuk është shfaqur në pamje. Mesazhi për dialog vjen pas një tubimi të shoqëruar me tensione dhe përplasje me forcat e policisë, ndërsa studentët dhe të rinjtë vijojnë të kërkojnë dorëheqjen e kryeministrit dhe të qeverisë së tij.

Studentët dhe të rinjtë, sakaq kanë paralajmëruar një tjetër protestë sot në orën 14:00, përpara Ministrisë së Arsimit. Ata kanë bërë të ditur se nuk do të tërhiqen nga kërkesat e tyre dhe se do të vijojnë protestat deri në largimin e Ramës dhe qeverisë së tij.

Protesta e djeshme, e 12-ta në kuadër të revoltës studentore, u shoqërua me përplasje të ashpra me policinë, ndërsa u raportuan edhe persona të plagosur.

Pavarësisht ftesës së përsëritur të kryeministrit për dialog, protestuesit vijojnë të këmbëngulin te kërkesat e tyre, përfshirë dorëheqjen e qeverisë.  

Të fundit