Flash News

Rrjedhje apo gafë teknike? Faqja e Topit të Artë shpall fituesit para kohe

Zbulohen dhjetë finalistët për Topin e Artë 2026, mes tyre edhe Messi

Të rinjtë shqiptarë të fundit në Europë për të ardhurat sipas fuqisë blerëse

Shkresa për policët dokumenton se ligji në Shqipëri zbatohet me urdhër të pushtetit

Pacolli del nga SPAK pas 7 orësh: Bëra kallëzim penal për Aeroportin e Vlorës

POLITIKOFF

Akrepat kthehen një orë pas, të dielën kalojmë në orën dimërore

Politiko 24 October 2026, 14:44

Akrepat kthehen një orë pas, të dielën kalojmë në

Këtë të diel, më 25 tetor, Shqipëria kalon në orën dimërore. Në orën 03:00, akrepat do të kthehen një orë pas, në 02:00, duke na dhënë mundësinë të flemë një orë më shumë. Por, edhe pse ndryshimi duket i vogël, organizmit mund t’i duhen disa ditë për t’u përshtatur me orarin e ri.

Arsyeja lidhet me orën biologjike, mekanizmin e brendshëm që ndihmon trupin të rregullojë ciklin e gjumit dhe zgjimit, si dhe ritmin e energjisë gjatë ditës. Kur orari ndryshon, ky ritëm mund të çrregullohet përkohësisht, duke shkaktuar lodhje, vështirësi për t’u zgjuar ose nervozizëm, veçanërisht te personat që janë më të ndjeshëm ndaj ndryshimeve të gjumit.

Megjithëse kthimi i akrepave premton një orë shtesë pushimi, kjo nuk do të thotë domosdoshmërisht se do të ndihemi më të çlodhur. Nëse të shtunën në mbrëmje qëndrojmë zgjuar më gjatë se zakonisht, duke parë televizor, duke përdorur telefonin apo duke dalë me miqtë, mund ta humbasim lehtësisht përfitimin e kësaj ore shtesë.

Për të lehtësuar përshtatjen, këshillohet që orari i gjumit të mos ndryshojë ndjeshëm. Të shtunën në mbrëmje, përpiquni të shtriheni në orën tuaj të zakonshme dhe shmangni shtyrjen e gjumit vetëm sepse të nesërmen do të zgjoheni sipas orës së re.

Për personat që e kanë më të vështirë përshtatjen, një tjetër mënyrë është zhvendosja graduale e orarit të gjumit me 15–20 minuta. Ruajtja e një rutine të qëndrueshme të gjumit dhe ekspozimi ndaj dritës natyrale në mëngjes mund të ndihmojnë gjithashtu trupin të përshtatet.

Të fundit