Flash News

GJKKO ignores calls from international organizations, regulation restricting media enters into force today

From today, buses are expected to be reduced; associations demand fuel compensation

After hundreds of casualties, new threat emerges near Nepal-Tibet border

A 27-year-old man in Kamëz was electrocuted while fixing a water tank and died.

Fight at Tirana Castle, 39-year-old injured with knife

Kosova

Dokumenti “Top Secret 2”/ Prokuroria e Kosovës zbulon planin e dyshuar për destabilizimin dhe “islamizimin” e Kosovës

Politiko 2026-08-26 12:21:21

Dokumenti “Top Secret 2”/ Prokuroria e Kosovës zbulon planin e

Prokuroria Speciale e Kosovës ka publikuar një dokument të titulluar “Top Secret 2”, i cili, sipas autoriteteve, është gjetur në telefonin e Fatmir Shehollit, të dyshuar për spiunazh në favor të shërbimit serb BIA.

Sipas Prokurorisë, dokumenti përshkruan një strategji afatgjatë që synon islamizimin dhe destabilizimin e Kosovës, dobësimin e mbështetjes së Perëndimit për vendin dhe, në fund, krijimin e kushteve për rikthimin e juridiksionit serb mbi Kosovën.

Në dokument përmenden një sërë masash të dyshuara, mes tyre financimi dhe zgjerimi i xhamive, veçanërisht në zona të dukshme dhe në fshatra të mëdha, si dhe zgjerimi i shkollave fetare islame në të gjithë Kosovën, edhe në zonat ku pretendohet se interesi është më i ulët.

Strategjia e pretenduar përfshin gjithashtu përdorimin e rrjeteve nga Kosova, Maqedonia e Veriut, Bosnja dhe Sanxhaku, si dhe rekrutimin e personave me ndikim në sport, media, muzikë dhe politikë për të përhapur ndikimin fetar.

Një tjetër pikë e dokumentit lidhet me komunitetet shqiptare në Perëndim. Sipas Prokurorisë, synimi do të ishte krijimi i përçarjeve mes shqiptarëve që jetojnë në Kosovë dhe diasporës.

Në dokument pretendohet gjithashtu se duhet krijuar një atmosferë ku qytetarët të ndihen sikur jetojnë në një “shtet të huaj”, duke nxitur të rinjtë të largohen nga Kosova dhe të tjerë të orientohen drejt Islamit.

Sipas përmbajtjes së publikuar, qëllimi final do të ishte që Kosova të perceptohej ndërkombëtarisht si një vend i radikalizuar dhe i destabilizuar, duke dobësuar mbështetjen e fuqive perëndimore.

Dokumenti përmend edhe nxitjen e migrimit të shqiptarëve drejt Turqisë përmes liderëve fetarë, mundësive të punësimit dhe kushteve të favorshme për emigrim. Në të pretendohet gjithashtu se “Serbia ka dritën jeshile nga Turqia”.

Një nga pasazhet më të forta të dokumentit parashikon se, pas 20 vitesh, “Kosova do të duket si Kandahari”, ndërsa fuqitë perëndimore do të ndryshonin qëndrimin ndaj saj dhe do të vendosnin ta rikthenin Kosovën nën juridiksionin serb.

Prokuroria Speciale e Kosovës e ka paraqitur këtë material si pjesë të provave në çështjen ndaj Fatmir Shehollit, i cili akuzohet për spiunazh në favor të BIA-s serbe.

Të fundit