Flash News

Të shtëna me armë në Shtoj të Shkodrës, një i plagosur

Kursi i këmbimit, me sa shiten dhe blihen euro dhe dollari

Harry Kane fiton Topin e Artë 2026, anglezi i parë që e merr trofeun pas 25 vitesh

Moti sot, si do të jenë kushtet atmosferike në vend

Rrjedhje apo gafë teknike? Faqja e Topit të Artë shpall fituesit para kohe

E-TJERA

Me syrin e fashuar dhe simbolin e shqiponjës, Erjon Vishkulli publikon foton nga spitali në Romë

Politiko 27 October 2026, 10:30

Me syrin e fashuar dhe simbolin e shqiponjës, Erjon Vishkulli publikon

Erjon Vishkulli, i riu i cili u plagos në sy nga një plumb gome gjatë protestës në Tiranë të shtunën që kaloi, ka publikuar një foto në InstaStory nga shtrati i spitalit në Romë.

Pas ndërhyrjes kirurgjikale që iu nënshtrua në spital, ai ka ndarë një foto në rrjetet sociale duke përcjellë një mesazh shprese dhe besimi.

"Zoti do të krijojë lehtësim pas vështirësive", shkruan i riu.  

Në foto, Vishkulli shfaqet me një fashë mbrojtëse mbi syrin e majtë dhe në njërën dorë. Pavarësisht dëmtimit, ai ka bërë simbolin e shqiponjës me duar, ndërsa postimin e ka shoqëruar me emoji të duarve në lutje, flamurit shqiptar dhe një zemre të kuqe.

Me syrin e fashuar dhe simbolin e shqiponjës, Erjon Vishkulli publikon

Gjendja e të riut ka shkaktuar reagime të shumta, ndërsa gjatë protestës përpara Kryeministrisë, studentët dhe qytetarët kanë shprehur solidaritetin me të përmes pankartave, bluzave me mbishkrimin “Të gjithë jemi Erjon Vishkulli” dhe fashimit simbolik të syrit.

Ndërkohë, familjarët e 28-vjeçarit kanë sqaruar se dërgimi i tij në Itali është mundësuar nga familja, miqtë dhe mbështetësit e tyre, duke kundërshtuar pretendimet se transferimi ishte organizuar nga shteti.

Të fundit