Flash News

Lirohen 12 protestuesit e arrestuar në Tiranë, gjykata cakton “detyrim paraqitje”

Të shtëna me armë në Shtoj të Shkodrës, një i plagosur

Kursi i këmbimit, me sa shiten dhe blihen euro dhe dollari

Harry Kane fiton Topin e Artë 2026, anglezi i parë që e merr trofeun pas 25 vitesh

Moti sot, si do të jenë kushtet atmosferike në vend

E-TJERA

Bylykbashi kërkon dorëheqjen e Ramës te 'Ligjet', Manja: Vazhdoni të shihni ëndrra

Politiko 27 October 2026, 11:00

Bylykbashi kërkon dorëheqjen e Ramës te 'Ligjet',

Tensione dhe replika mes opozitës dhe mazhorancës janë shënuar në Komisionin e Ligjeve, ku deputeti demokrat Oerd Bylykbashi kërkoi dorëheqjen e kryeministrit Edi Rama dhe vetëshpërndarjen e Kuvendit, teksa lidhi kërkesat e opozitës me protestat studentore dhe reagimin e Policisë së Shtetit.

Gjatë fjalës së tij, Bylykbashi akuzoi policinë për përdorim joproporcional të forcës ndaj protestuesve dhe deklaroi se qindra qytetarë kanë pasur nevojë për ndihmë mjekësore për shkak të dhunës dhe përdorimit të plumbave të gomës. Madje, ai përmendi edhe rastin e një protestuesi që rrezikon syrin paasi u godit me plumb gome gjatë përplasjeve.

Nga ana tjetër, deputeti socialist Ulsi Manja iu përgjigj me ironi kërkesave të opozitës, ku tha se demokratët duhet të vazhdojnë të shohin ëndrra. 

Pjesë nga diksutimi:

Bylykbashi: Dita e 15-të që studentët dhe gjimnazistët janë në protestë, përballen me dhunë nga policia, njërit i nxorën syrin. Dhunë joproporcionale, në shkelje të Kushtetutës dhe ligjit. Arrestimi është përdorur si mjet intimidimi.

Qindra kanë pasur nevojë për ndihmë mjekësore nga plumbat e gomës. Duhej hetim për të gjithë zinxhirin komandues të Policisë së Shtetit. Duhet spastrim i policisë nga efektivët kriminelë që rrahin në mënyrë shtazarake protestuesit. I gjëmojnë nëpër rrugica, i rrahin dhe i lënë në shesh.

Ka dy kërkesa: Rama të japë dorëheqjen, është kërkesa e atyre në shesh, edhe e juaja nga brenda. Dhe një qeveri tranzitore. Kuvendi ka detyrimin moral të vetëshpërndahet. Mos u bëni me atë bandit, nëse Kuvendi nuk shpërndahet, turpi do të jetë i juaji. Provoni t’i takoni ata atje dhe do ta shihni faturën.

Manja: Vazhdoni të shihni ëndrra, por kur dilni te Lana, vishuni me plastmas. Mos i mbroni ata të dhunës në selinë tuaj. Për të qenë të ndershëm deri në fund, duhet të dënohet dhuna nga të gjitha anët. Nëse ka tejkalim nga policia, le të bëhet hetim.

Të fundit