Flash News

"Rama, o legen", përplasje mes policisë dhe protestuesve, autoboti i ujit mbërrin te Kryeministria

Përshkallëzohet protesta, bllokohet hyrja e Kryeministrisë: Dil në bulevard!

Në kërkim për pastrim parash dhe trafik dr*ge, arrestohet në Dubai pronari i “Vlora Cable”

Aksidenti tragjik në Mbrostar–Levan, humb jetën 19-vjeçari që mbeti i plagosur rëndë

Kamarieri 18-vjeçar rrëfen dhunën barbare: Më kërcënuan se do më zhduknin trupin

E-TJERA

U arrestua në Dubai, kush është Nexhmedin Danaj, ushtar i grupit të ‘Visit të Pojës’

Politiko 1 September 2026, 19:44

Screenshot 2026-09-01 192704.png

57-vjeçari Nexhmedin Danaj është arrestuar në Dubai, me qëllim ekstradimin drejt Shqipërisë, në kuadër të operacionit ndërkombëtar të koduar “The Wanted”.

Danaj ishte shpallur në kërkim ndërkombëtar, pasi në prill të vitit 2026, Gjykata e Posaçme e Shkallës së Parë për Korrupsionin dhe Krimin e Organizuar kishte caktuar ndaj tij masën e sigurisë “Arrest në burg”.

Kush është Nexhmedin Danaj

Emri i tij është përfshirë në hetimet për një rrjet të dyshuar të trafikut ndërkombëtar të kokainës, me aktivitet mes Shqipërisë, Italisë dhe vendeve të tjera europiane. Hetimi u konkretizua më herët me operacionin ndërkombëtar “Ura”, ku autoritetet shqiptare dhe italiane lëshuan 52 masa sigurie.

Në kuadër të këtij operacioni, autoritetet sekuestruan një sërë pasurish dhe aktivitetesh biznesi që dyshohet se kanë lidhje me veprimtarinë kriminale të hetuar. Mes tyre u raportuan edhe “Vlora Cable” dhe “Dubai Inn”, të lidhura me Danajn.

57-vjeçari është i njohur si pronar i kompanisë “Vlora Cable” në Vlorë, e cila operon në fushën e televizionit kabllor. Ndërkohë, në emër të bashkëshortes së tij, Algerta Fejzullau, rezulton edhe biznesi “Dubai Inn”, që ushtron aktivitet në sektorin e hotelerisë dhe turizmit.

Sipas dyshimeve të ngritura nga hetimi, Danaj, në kuadër të një grupi të strukturuar kriminal, dyshohet se ka bashkëfinancuar, mundësuar dhe koordinuar trafikimin e lëndëve narkotike nga Amerika Latine drejt vendeve të Bashkimit Europian.

Hetuesit dyshojnë gjithashtu se ai ka përdorur skema të sofistikuara financiare dhe transferta digjitale për kryerjen e pagesave me vlera të konsiderueshme në shtete të ndryshme, me qëllim sigurimin e lëndëve narkotike.

Ai është i dyshuar edhe si pjesë e grupit kriminal të drejtuar nga Elvis Doçi, i njohur edhe si 'Visi i Pojës', i cili po ashtu është arrestuar në Dubai.

Arrestimi në Dubai pritet të pasohet nga procedurat ligjore për ekstradimin e tij në Shqipëri. Ndërkohë, Interpol Tirana vijon bashkëpunimin me Interpol Abu Dhabin për përfundimin e procedurave dhe sjelljen e 57-vjeçarit përpara drejtësisë shqiptare.

Të fundit