Flash News

Në kërkim për pastrim parash dhe trafik dr*ge, arrestohet në Dubai pronari i “Vlora Cable”

Aksidenti tragjik në Mbrostar–Levan, humb jetën 19-vjeçari që mbeti i plagosur rëndë

Kamarieri 18-vjeçar rrëfen dhunën barbare: Më kërcënuan se do më zhduknin trupin

Dalin pamjet e sherrit në Golem, si u dhunua kamarieri i hotel “Flar”

GJKKO shpërfill thirrjet e organizatave ndërkombëtare, hyn në fuqi rregullorja që kufizon median

E-TJERA

Në kërkim për pastrim parash dhe trafik dr*ge, arrestohet në Dubai pronari i “Vlora Cable”

Politiko 1 September 2026, 17:32

Nexhmedin-danaj.png

Nexhmedin Danaj, pronari i kompanisë “Vlora Cable”, është arrestuar në Dubai, pasi ishte shpallur në kërkim nga autoritetet shqiptare në kuadër të një hetimi për trafik ndërkombëtar droge dhe pastrim parash.

Danaj dyshohet se ka pasur rol në lëvizjen dhe pastrimin e parave që, sipas hetimeve, kanë ardhur nga aktiviteti i trafikimit të lëndëve narkotike. Paratë dyshohet se janë transferuar edhe drejt Emirateve të Bashkuara Arabe, përmes kompanisë “General Trading LLC”, me seli në Dubai.

Emri i Nexhmedin Danajt doli në kuadër të operacionit ndërkombëtar “Ura”, të zhvilluar nga Prokuroria e Posaçme dhe autoritetet italiane, ndaj një grupi të dyshuar për trafikimin e narkotikëve dhe pastrimin e parave.

Në kuadër të këtij operacioni, autoritetet vendosën nën sekuestro edhe kompaninë “Vlora Cable”, në pronësi të Danajt, si dhe biznesin “Dubai Inn”.

Sipas të dhënave të bëra publike nga SPAK, hetimet e zhvilluara gjatë periudhës 2020-2025 kanë dokumentuar 40 episode të dyshuara të trafikut të narkotikëve, ku përfshihet edhe trafikimi i kokainës dhe heroinës.

Operacioni është shtrirë në Shqipëri dhe Itali, ndërsa në total janë ekzekutuar 52 masa sigurie. Gjatë hetimeve janë sekuestruar pasuri të paluajtshme, kompani, automjete dhe shuma parash, të cilat dyshohet se kanë lidhje me aktivitetin kriminal të grupit.

Arrestimi i Danajt në Dubai pritet të pasohet nga procedurat ligjore për ekstradimin e tij drejt Shqipërisë, në mënyrë që ai të vihet në dispozicion të drejtësisë shqiptare.

Hetimet për këtë çështje vijojnë, ndërsa autoritetet po punojnë për dokumentimin e plotë të rolit që dyshohet se ka pasur Danaj në skemën e trafikut të drogës dhe pastrimit të parave.

Të fundit