Flash News

GJKKO shpërfill thirrjet e organizatave ndërkombëtare, nga sot hyn në fuqi rregullorja që kufizon median

Nga sot, pritet të reduktohen autobusët; shoqatat kërkojnë kompensimin e karburantit

Posta e mëngjesit/ Me 2 rreshta: Çfarë pati rëndësi dje në Shqipëri

Pas qindra viktimave, shfaqet kërcënimi i ri pranë kufirit Nepal-Tibet

E zuri korrenti teksa rregullonte depozitën e ujit, humb jetën 27-vjeçari në Kamëz

Bota

Pas qindra viktimave, shfaqet kërcënimi i ri pranë kufirit Nepal-Tibet

Politiko 31 August 2026, 22:55

2026-08-30t100621z-2022637278-rc2x8nadqp7v-rtrmadp-3-nepal-floods-20260831081652620.webp

Vetëm pak ditë pas përmbytjeve shkatërruese që goditën rajonin, autoritetet kanë ngritur alarmin për një tjetër rrezik të madh pranë kufirit Nepal-Tibet.

Rrëshqitjet e dheut kanë bllokuar dy lumenj dhe kanë krijuar një liqen të ri, i cili tashmë përmban rreth 2.5 milionë metra kub ujë. Sipas autoriteteve kineze, rreziku që masa e ujit të dalë nga shtrati është i lartë, veçanërisht për shkak të reshjeve që priten në zonë.

Bllokimi natyror është krijuar në rrjedhën e lumenjve Chhochen Khola dhe Purepu Tsangpo, ndërsa niveli i ujit po monitorohet vazhdimisht nga ekipet e emergjencës dhe inxhinierët, shkruan CNN. 

Frika kryesore është që presioni i ujit të dobësojë barrierën e krijuar nga rrëshqitjet dhe të shkaktojë një çarje të menjëhershme. Një skenar i tillë do të mund të sillte masa të mëdha uji dhe dheu drejt zonave të banuara, duke shkaktuar përmbytje dhe rrëshqitje të reja.

Alarmi është veçanërisht shqetësues pasi rajoni sapo është përballur me një katastrofë të rëndë, ku qindra persona raportohet se kanë humbur jetën ose janë shpallur të zhdukur. Shkencëtarët dyshojnë se ngjarja e mëparshme u shkaktua nga shembja e një akullnaje.

Autoritetet kineze kanë pezulluar përkohësisht disa operacione shpëtimi dhe po përdorin dronë për të monitoruar liqenin dhe nivelin e ujit.

Pavarësisht alarmit, ekspertët theksojnë se situata mund të zhvillohet edhe në mënyrë më të favorshme, nëse uji arrin të derdhet gradualisht përmes barrierës natyrore pa shkaktuar një shpërthim të menjëhershëm.

Të fundit