Flash News

Aksident në qendër të Elbasanit, përplasen dy automjete

“Kthim në komunizëm”, media belge demaskon klimën e frikës nga masat e Ramës

Revolta studentore vijon, Kuvendi mblidhet të enjten në seancë plenare

PD refuzon tryezën e Begajt për zgjedhjet vendore: Teatër politik në shërbim të Ramës

KE distancohet nga paketa e Ramës kundër protestave: Nuk jemi përfshirë në hartimin e saj

Ditari i Opozitës

Berisha: Rama ka 90% të pushtetit, ka vetëm dy rrugë për t'u larguar nga karrigia

Politiko 27 October 2026, 21:36

Berisha: Rama ka 90% të pushtetit, ka vetëm dy rrugë për

Kryetari i Partisë Demokratike, Sali Berisha, ka akuzuar kryeministrin Edi Rama për përqendrim të pushtetit dhe kapje të institucioneve, duke vënë në pikëpyetje mundësinë e një rotacioni normal politik në Shqipëri.

Në një intervistë për Klan News, Berisha tha se vendi ka kaluar disa rotacione pushteti përmes proceseve demokratike, ndërsa situata ka ndryshuar me qeverisjen socialiste dhe ndikimin e mazhorancës mbi institucionet, përfshirë drejtësinë.

“Sali Berisha dorëzoi pushtetin në vitin 2013 me koalicionin e tij, 48% të pushteteve. Ndaj, i dashur, nga viti ’92 deri në vitin 2012 patën vend katër rotacione. Shqipëria kaloi kriza në rrugë demokratike. Më vonë, sipas këtij instituti, kur u fut drejtësia e tëra në xhep, Edi Rama dhe PS-ja, arrin të ketë 90% të pushtetit në vitin 2020. Padroni i tij në Beograd, që u përmbys, nuk ka pasur më shumë se 60% të pushtetit”, tha Berisha.

Berisha deklaroi se Rama ka vetëm dy rrugë për t’u larguar nga pushteti.

“Nëse kryeministri vendos të mos e dorëzojë pushtetin, bëj ç’të duash, nuk ja merr dot! Ka dy rrugë, si Çaushesku ose padroni në Beograd. Tani i iku koha atij! Nuk ke parë në Shqipëri, djem dhe vajza që kanë dalë në protestë”, u shpreh ai.

Të fundit