Flash News

Aksident në qendër të Elbasanit, përplasen dy automjete

“Kthim në komunizëm”, media belge demaskon klimën e frikës nga masat e Ramës

Revolta studentore vijon, Kuvendi mblidhet të enjten në seancë plenare

PD refuzon tryezën e Begajt për zgjedhjet vendore: Teatër politik në shërbim të Ramës

KE distancohet nga paketa e Ramës kundër protestave: Nuk jemi përfshirë në hartimin e saj

Ditari i Opozitës

Këlliçi dënon heshtjen e prokurorisë: Zero reagim për dhunën e policëve ndaj studentëve

Politiko 27 October 2026, 18:57

Këlliçi dënon heshtjen e prokurorisë: Zero reagim për

Nënkryetari i Partisë Demokratike, Belind Këlliçi, ka akuzuar prokurorinë dhe gjykatat për mosreagim ndaj denoncimeve për dhunë policore gjatë protestave në Tiranë.

I ftuar në emisionin “Task Force” në SYRI TV, ai paralajmëroi se efektivët e policisë, drejtuesit e strukturave operacionale, prokurorët dhe gjyqtarët që, sipas tij, kanë shkelur ligjin, do të përballen me përgjegjësi.

Këlliçi veçoi kreun e Prokurorisë së Tiranës, Arenc Çela, dhe Prokurorin e Përgjithshëm, Olsian Çela, duke i akuzuar për mungesë reagimi ndaj rasteve të denoncuara të dhunës ndaj studentëve dhe qytetarëve gjatë tubimeve kundër qeverisë.

"Edhe kreu i prokurorisë së Tiranës, Arenc Çela, që e kemi denoncuar disa herë, së bashku me prokurorin e përgjithshëm Olsian Çelën, të dy kanë zero reagim ndaj forcave të policisë së shtetit.

Kemi denoncuar me emër qoftë shefin e FNSH-së, qoftë policët që kanë rrahur barbarisht studentët dhe të rinjtë, qoftë strukturën që ka dhënë urdhër për t'i nxjerrë sytë një të riu 28 vjeçar, Erion Vishkullit, qoftë ata që kanë dhunuar, kanë thyer kockat e qytetarëve, ka zero reagim nga prokuroria e Tiranës, ka zero reagim nga prokurori i përgjithshëm.

Ndërkohë sot janë shtuar masat represive nga gjykata penale Tiranë, nga Sonila Voskopi, gjyqtarja që ka patur sot disa raste ku ka lënë me arrest shtëpie një pjesë të protestuesve paqësorë që nuk kanë kryer asnjë vepër penale në shesh.

Dhe të gjithë këta gjyqtarë, të gjithë prokurorët që po u bien në qafë studentëve, të gjithë gjyqtarët që po u bien në qafë studentëve, të gjithë forcat e policisë së shtetit, drejtuesit qoftë të FNSH-së, qoftë strukturave të tjera operacionale e tjerë e tjerë që do të evidentohen nga Partia Demokratike, jo vetëm do të diskreditohen publikisht dhe do të tregohen publikisht me emër, mbiemër, me funksion", tha Këlliçi.

Të fundit