Flash News

E SHPJEGUAR

Nga babai politik te “Mamica”, lista e socialistëve që u përplasën me Ramën dhe përfunduan jashtë strukturave

Nga babai politik te “Mamica”, lista e socialistëve që u

Përplasja e fundit mes kryeministrit Edi Rama dhe Elisa Spiropalit ka rikthyer në vëmendje historinë e marrëdhënieve të kreut të Partisë Socialiste me figurat e rëndësishme të së majtës, të cilat në periudha të ndryshme kanë dalë kundër tij. 

Nga babai politik te “Mamica”, lista e socialistëve që u

Spiropali, e cila për vite me radhë ka mbajtur poste të rëndësishme në qeverisjen dhe strukturat e PS-së, nuk do të jetë më pjesë e forumeve drejtuese të partisë. I njëjti vendim është marrë edhe për ish deputetin Plarent Ndreca, aktualisht avokat i kryebashkiakut të  paraburgosur Erion Veliaj,

Lajmi u konfirmua nga sekretari i përgjithshëm i PS-së, Blendi Klosi, i cili sqaroi se të dy do të mbeten anëtarë të partisë, por nuk do të kenë më përfaqësim në forumet e saj.

Vendimi erdhi pas debateve në Asamblenë Kombëtare të PS-së, ku Fatmir Xhafaj, Erion Braçe dhe Pandeli Majko kanë shprehur kundërshtimin e tyre ndaj përjashtimit. Në fund, nuk pati një votim formal, por Klosi konfirmoi se Spiropali dhe Ndreca nuk do të jenë më pjesë e asnjë forumi të partisë. 

Rasti i Spiropalit nuk është i pari që shënon një përplasje mes Edi Ramës dhe një figure të rëndësishme socialiste. Që prej marrjes së drejtimit të PS-së në vitin 2005, historia e kësaj force politike është shoqëruar me largime nga grupi parlamentar, humbje funksionesh drejtuese dhe shkëputje të bujshme mes drejtuesve të saj.

Një prej emrave më të rëndësishëm në këtë histori është ai i Fatos Nanos, ish-kryetarit të PS-së dhe një prej figurave themeluese të së majtës shqiptare. Në vitin 2007, Rama deklaroi publikisht se Nano nuk ishte më pjesë e projektit politik të Partisë Socialiste dhe nuk bëhej fjalë për një vendim formal për përjashtimin e tij nga anëtarësia, por për një ndarje politike mes kryetarit të ri dhe paraardhësit të tij, i cili kishte drejtuar partinë për shumë vite.

Nga babai politik te “Mamica”, lista e socialistëve që u

Po në vitin 2007, gjashtë deputetë socialistë u përjashtuan nga grupi parlamentar i PS-së, pasi votuan në favor të Bamir Topit për President të Republikës, në kundërshtim me qëndrimin e partisë.

Ata ishin Paulin Sterkaj, Durim Lamaj, Durim Hushi, Bukurosh Stafa, Taulant Dedja dhe Hamit Kosta. Vendimi shënoi një nga rastet e para të përplasjeve të forta mes drejtimit të ri të PS-së dhe deputetëve që nuk iu bindën linjës politike të përcaktuar nga kryesia.

Nga babai politik te “Mamica”, lista e socialistëve që u
Paulin Sterkaj

Në vitin 2011, një tjetër figurë e rëndësishme e së majtës, Kastriot Islami, u përjashtua nga Grupi Parlamentar i Partisë Socialiste. Vendimi erdhi në një periudhë tensionesh të forta brenda partisë, kur një grup socialistësh po kërkonin më shumë hapësirë për debat dhe mendim ndryshe.

Nga babai politik te “Mamica”, lista e socialistëve që u

Në atë periudhë, përplasjet u shoqëruan edhe me krijimin e Lëvizjes për Mendim Ndryshe, ku bënin pjesë figura si Ben Blushi, Arben Malaj, Andis Harasani dhe Marko Bello.

Nga babai politik te “Mamica”, lista e socialistëve që u
Rama me Ben Blushin

Ata artikuluan kritika ndaj mënyrës së drejtimit të partisë dhe kërkuan ndryshime në funksionimin e saj, megjithatë, nuk duhet ngatërruar përfshirja në këtë lëvizje me një vendim formal për përjashtimin e të gjithë këtyre emrave nga PS-ja.

Përplasjet brenda Partisë Socialiste vijuan edhe në vitet e mëvonshme. Në vitin 2015, Tom Doshi u përjashtua nga Grupi Parlamentar i PS-së, pas përplasjes së tij me drejtimin e partisë.

Nga babai politik te “Mamica”, lista e socialistëve që u

Një vit më pas, në vitin 2016, Koço Kokëdhima humbi funksionet drejtuese në strukturat socialiste. Ish-deputeti dhe një prej figurave të rëndësishme të PS-së në jug të vendit kishte pasur përplasje me Ramën lidhur me organizimin dhe drejtimin e partisë. Largimi i tij nga strukturat drejtuese shënoi një tjetër krisje në raportet mes kryeministrit dhe një prej bashkëpunëtorëve të tij të dikurshëm.

Nga babai politik te “Mamica”, lista e socialistëve që u

Në vitin 2017, radha i erdhi Saimir Tahirit, ish-ministri i Brendshëm, që kishte qenë një prej figurave më të rëndësishme të qeverisjes socialiste, por u largua nga Grupi Parlamentar dhe forumet e PS-së, në një periudhë kur emri i tij ishte në qendër të zhvillimeve të forta politike dhe hetimeve për çështjen “Habilaj”. Rasti i Tahirit ishte një tjetër shembull i largimit të një figure të rëndësishme nga strukturat e partisë.

Nga babai politik te “Mamica”, lista e socialistëve që u

Në vitin 2021, përplasja mes Edi Ramës dhe ish-kryebashkiakut të Vlorës, Dritan Leli, përfundoi me përjashtimin e këtij të fundit nga Partia Socialiste. Konflikti kishte nisur pas refuzimit të Lelit për të lënë detyrën e kryebashkiakut dhe për t'iu bindur kërkesave të drejtimit të PS-së për angazhimin në fushatën elektorale të atij viti.

Nga babai politik te “Mamica”, lista e socialistëve që u

Rasti i Lelit dallon nga disa prej të tjerëve, pasi bëhet fjalë për një përjashtim nga vetë partia dhe jo thjesht për humbje të funksioneve drejtuese apo largim nga grupi parlamentar.

Rasti i Elisa Spiropalit dhe Plarent Ndrecës është zhvillimi më i fundit në këtë histori. Ndryshe nga disa prej figurave të mësipërme, ata nuk janë përjashtuar nga anëtarësia e PS-së, por janë larguar nga të gjitha forumet drejtuese.

Për Spiropalin, vendimi ka një peshë të veçantë politike për shkak të posteve që ka mbajtur ndër vite. Ajo ka qenë ministre, kryetare e Kuvendit dhe një prej figurave publike të rëndësishme të socialistëve. Përplasjet e fundit me Ramën dhe kritikat e saj ndaj zhvillimeve brenda partisë e kanë çuar tashmë jashtë strukturave ku ka pasur rol vendimmarrës.

Kështu, nga Fatos Nano, të cilin Rama e cilësoi jashtë projektit politik të PS-së, te Elisa Spiropali, e quajtur “Mamica” në komunikimin politik të socialistëve, historia e partisë përmban një sërë rastesh kur figura me peshë kanë humbur pozicionet e tyre pas përplasjeve me drejtimin.

Të fundit

Poll

16 November 2026, 09:40