Flash News

Video/ "Ata janë fëmijët tanë", qytetari i del përballë efektivit: Shporruni! Kjo rini s’ka frikë

Mesazhi i ish-profesorit nga protesta: Mos dhunoni studentët e mi, janë fëmijët tuaj!

U përplas me 6 policë, gjykata “kyç” në shtëpi Klevi Metajn, masa sigurie edhe për 7 protestues të tjerë

SPAK merr zyrtarisht nën hetim Olta Xhaçkën, dyshime për korrupsion dhe pastrim parash

Nga Veriu në Jug, gjimnazistë dhe studentë zbresin në shesh: Rama jep dorëheqjen!

KRYESORE

Protesta del përtej kufijve, mediat ndërkombëtare pasqyrojnë revoltën në Tiranë

Politiko 15 October 2026, 09:10

Protesta del përtej kufijve, mediat ndërkombëtare pasqyrojnë

Protestat e studentëve në Shqipëri kanë tërhequr vëmendjen e mediave të mëdha ndërkombëtare. BBC, Al Jazeera dhe media austriake Der Standard kanë raportuar për demonstratat në Tiranë, përplasjet me policinë, kërkesat për kushte më të mira në universitete dhe thirrjet për dorëheqjen e kryeministrit Edi Rama.

BBC shkruan se mijëra studentë dolën në rrugët e kryeqytetit në ditën e dytë të protestave të dhunshme kundër qeverisë, duke sulmuar disa ndërtesa shtetërore. Sipas raportimit, protesta nisi para Ministrisë së Arsimit, ku studentët kërkuan përmirësimin e kushteve universitare dhe më shumë perspektiva punësimi. Media britanike raporton gjithashtu për zjarrin në një pjesë të godinës së Ministrisë së Arsimit dhe sulmet ndaj zyrave të Kryeministrisë, Ministrisë së Financave dhe Ministrisë së Brendshme.

Edhe Al Jazeera i ka kushtuar një raportim të gjerë protestave, duke u ndalur te përplasjet mes demonstruesve dhe policisë, përdorimi i gazit lotsjellës dhe i topave të ujit, si dhe arrestimet pas tubimeve. Media thekson se kërkesat e studentëve për tarifa më të ulëta, kushte më të mira studimi dhe më shumë mbështetje po ndërthuren me pakënaqësi më të gjera sociale dhe me ndjenjën e përjashtimit politik te të rinjtë. Në raportim përmendet edhe “Revolucioni i Flamingove”, si pjesë e valës së protestave që ka vijuar prej muajsh në Tiranë.

Ndërkohë, Der Standard raporton se për të dytën ditë radhazi, protestat kundër qeverisë u shoqëruan me përleshje të dhunshme. Sipas medias austriake, qindra demonstrues marshuan drejt zyrës së kryeministrit Edi Rama, duke kërkuar dorëheqjen e tij dhe përmirësimin e kushteve të studimit. Artikulli përshkruan përdorimin e gurëve dhe koktejeve Molotov nga protestuesit, si dhe ndërhyrjen e policisë me gaz lotsjellës dhe topa uji.

Der Standard ndalet gjithashtu te reagimi i Delegacionit të Bashkimit Europian në Tiranë, i cili shprehu shqetësim për përshkallëzimin e dhunës dhe kërkoi që raportimet për përdorim të tepruar të forcës nga policia ndaj demonstruesve dhe gazetarëve të hetohen menjëherë.

Tre raportimet ndërkombëtare pasqyrojnë përshkallëzimin e protestave në Tiranë, duke vënë në fokus si dhunën dhe përplasjet me policinë, ashtu edhe kërkesat e të rinjve për arsim më të përballueshëm, kushte më të mira universitare dhe më shumë mundësi për të ardhmen.

Të fundit