Flash News

Policia hedh gaz lotsjellës drejt protestuesve në bulevard, plagoset një vajzë

Dhunë barbare ndaj protestuesit, grupi i policëve e godasin papushim

“Na rrëmbyen në mes të sheshit”/ Amerikani denoncon: Burra me të zeza dhe shkopinj morën të rinjtë

Vijon dhuna policore! I riu po qëndronte pa lëvizur, efektivi e përplas në tokë me forcë

Video/ E rrëzojnë, e tërheqin zvarrë dhe e shkelmojnë në këmbë, pamjet e dhunës policore ndaj të riut

E-TJERA

Të rinjtë u japin ujë policëve, ndërhyn shefi: Nuk kanë nevojë!

Politiko 16 October 2026, 21:39

Të rinjtë u japin ujë policëve, ndërhyn shefi: Nuk

Një moment i pazakontë është shënuar mbrëmjen e së premtes në Bulevardin “Dëshmorët e Kombit”, ku protestuesit e rinj iu afruan efektivëve të FNSH-së me një mesazh ndryshe nga përplasjet e ditëve të fundit.

Në ditën e katërt të protestave në Tiranë, një grup të rinjsh u afrua te forcat e rendit për t'u dhënë dorën dhe për t'u shprehur se nuk i konsiderojnë policët kundërshtarë të kauzës së tyre.

“Hiqni kapelat!”, thirrën protestuesit, përpara se të këndonin himnin kombëtar përballë efektivëve. Njëri prej tyre u shpërndau edhe disa shishe ujë policëve, duke u thënë: “Kaq lekë kisha me vete”.

“S’kanë nevojë për ujë policët”
Momenti i afrimit mes të rinjve dhe efektivëve nuk zgjati shumë. Një drejtues policie ndërhyri, duke u kërkuar protestuesve të shpërndaheshin ose të vijonin tubimin në mënyrë të qetë.

“S’kanë nevojë për ujë policët”, u shpreh ai.

Të rinjtë këmbëngulën se nuk kishin asgjë kundër punonjësve të Policisë së Shtetit, duke bërë dallimin mes uniformave blu dhe objektivit të protestës së tyre.

Prej katër ditësh, studentët dhe të rinjtë po protestojnë në kryeqytet, duke kërkuar largimin e kryeministrit Edi Rama. Ky episod solli një moment afrimi me efektivët, në një protestë që ditët e fundit është shoqëruar edhe me tensione dhe përplasje.

 

Të fundit