Flash News

Përshkallëzohet protesta, policia nis shoqërimet e dhunshme të studentëve

Policia nis hedhjen e gazit lotsjellës dhe ujit me presion

Policia e Shtetit e përfshirë në shkelje masive dhe të koordinuara të të drejtave të njeriut

Tensione të forta në Lezhë, i mituri bie në tokë i gjakosur, pas ndjekjes nga policia (video)

Video/ "Ata janë fëmijët tanë", qytetari i del përballë efektivit: Shporruni! Kjo rini s’ka frikë

POLITIKOFF

Shakira rikthehet në gjykatë me Piqué-n, kërkon ndryshimin e marrëveshjes për fëmijët

Politiko 11 October 2026, 15:40

Shakira rikthehet në gjykatë me Piqué-n, kërkon ndryshimin

Shakira dhe Gerard Piqué janë rikthyer në gjykatë, gati katër vjet pas ndarjes, për të rishikuar marrëveshjen që përcakton takimet e ish-futbollistit me dy djemtë e tyre, Milan dhe Sasha. Këngëtarja kërkon që gjatë periudhave të shkurtra të pushimeve të jetë Piqué ai që udhëton drejt Miami-t, ku fëmijët jetojnë me të ëmën, në mënyrë që të shmangin fluturimet e shpeshta dhe të gjata mes Shteteve të Bashkuara dhe Spanjës.

Seanca gjyqësore u zhvillua të martën, më 6 tetor, në Ciutat de la Justícia në Barcelonë. Shakira u paraqit e shoqëruar nga avokatja e saj, Carmen Varela, ndërsa Piqué mbërriti në gjykatë me përfaqësuesin e tij ligjor, Ramón Tamborero.

Në qendër të shqyrtimit ishte mënyra se si do të organizohen vizitat e ish-mbrojtësit të Barcelonës te dy djemtë, të cilët jetojnë në Miami që prej vitit 2023.

Përfaqësuesit ligjorë të këngëtares kanë sqaruar se kërkesa nuk synon të pakësojë kohën që Milan dhe Sasha kalojnë me babanë e tyre. Sipas propozimit të Shakirës, gjatë pushimeve më të shkurtra, Piqué duhet të udhëtojë drejt Floridës, në vend që fëmijët të përballojnë vazhdimisht udhëtime transoqeanike.

Sipas ekipit të saj ligjor, ndryshimi synon të mbrojë mirëqenien fizike dhe emocionale të dy djemve, si dhe të shmangë ndikimin e udhëtimeve të gjata në shkollimin dhe rutinën e tyre të përditshme.

Palët raportohet se janë përpjekur të gjejnë një zgjidhje me mirëkuptim përpara se çështja të dërgohej në gjykatë, por nuk kanë arritur një marrëveshje. Tashmë, vendimi për ndryshimin e mundshëm të kushteve të vizitave i takon gjykatësit.

Të fundit