Flash News

Video/ E rrëzojnë, e tërheqin zvarrë dhe e shkelmojnë në këmbë, pamjet e dhunës policore ndaj të riut

Përshkallëzohet protesta, policia nis shoqërimet e dhunshme të studentëve

Policia nis hedhjen e gazit lotsjellës dhe ujit me presion

Policia e Shtetit e përfshirë në shkelje masive dhe të koordinuara të të drejtave të njeriut

Tensione të forta në Lezhë, i mituri bie në tokë i gjakosur, pas ndjekjes nga policia (video)

Ditari i Maxhorancës

Rama shpik Ministrinë e Administratës Publike në emër të “shtetit europian”

Politiko 9 October 2026, 15:51

Rama shpik Ministrinë e Administratës Publike në emër

Administrata publike do të ketë ministrinë e saj. Kryeministri Edi Rama ka njoftuar se javën e ardhshme do të krijohet Ministria e Administratës Publike, duke sinjalizuar edhe emrin që pritet ta drejtojë.

Kryeministri e justifikoi krijimin e ministrisë me rëndësinë që administrata publike ka marrë në punën e qeverisë dhe në procesin e integrimit europian të Shqipërisë.

“Do të krijojmë javën e ardhshme Ministrinë e Administratës Publike, pikërisht sepse tanimë tema e administratës publike është një temë shumë qendrore e punës së qeverisë, por është një temë shumë qendrore edhe e shtetbërjes së mëtejshme europiane të Shqipërisë. Është nevoja që, përmes Ministrisë së Administratës Publike, një model që e kanë shumë vende të tjera europiane, ne të zgjerojmë gamën e detyrave, gamën e punëve dhe, patjetër, edhe gamën e ambicieve për të ngritur më lart shtetin europian të shqiptarëve”, u shpreh Rama.

Rama la të kuptohet se në krye të institucionit të ri do të jetë Adea Pirdeni, ministrja aktuale e Shtetit për Administratën Publike.

“Në këndvështrimin tim nuk diskutohet që Ministrinë e Administratës Publike mund ta drejtojë vetëm ministria e shtetit për Administratën Publike”, tha ai.

Ministria në fjalë, që Rama e shet si një hap drejt modelit evropian, mbetet për t’u parë nëse do të sjellë një administratë më efikase, siç kryeministri pretendon, apo thjesht një tjetër hallkë në strukturën e qeverisë.

Të fundit