Flash News

Video/ E rrëzojnë, e tërheqin zvarrë dhe e shkelmojnë në këmbë, pamjet e dhunës policore ndaj të riut

Përshkallëzohet protesta, policia nis shoqërimet e dhunshme të studentëve

Policia nis hedhjen e gazit lotsjellës dhe ujit me presion

Policia e Shtetit e përfshirë në shkelje masive dhe të koordinuara të të drejtave të njeriut

Tensione të forta në Lezhë, i mituri bie në tokë i gjakosur, pas ndjekjes nga policia (video)

Rajoni

Pas dorëheqjes së Vuçiçit, Ana Brnabiç caktohet Presidente e Serbisë

Politiko 28 September 2026, 13:27

Ish-kryetarja e Parlamentit serb, Ana Brnabiç, ka marrë zyrtarisht detyrën e Presidentes në detyrë të Republikës së Serbisë, pas dorëheqjes së Aleksandar Vuçiçit.

Ceremonia e dorëzimit të detyrës u zhvillua këtë mëngjes në Pallatin Presidencial, ku Vuçiç i dorëzoi Brnabiçit vulën dhe dokumentet shtetërore, duke i kaluar asaj përkohësisht funksionet e kreut të shtetit.

Mandati i dytë presidencial i Vuçiçit do të përfundonte normalisht në maj të vitit 2027. Megjithatë, ai dha dorëheqjen të dielën në mbrëmje, në kuadër të vendimit për të kandiduar në zgjedhjet parlamentare të 25 tetorit.

Zgjedhjet presidenciale brenda 90 ditëve

Sipas Kushtetutës së Serbisë, pas dorëheqjes së presidentit, zgjedhjet për kreun e ri të shtetit duhet të zhvillohen brenda 90 ditëve.

Pak para largimit nga detyra, Vuçiç deklaroi se raundi i parë i zgjedhjeve presidenciale pritet të zhvillohet në fund të dhjetorit.

Brnabiç, pas marrjes së detyrës, e cilësoi një nder të madh pasimin e Vuçiçit në këtë funksion.

“Unë besoj se nuk kemi pasur kurrë një president të tillë më parë dhe se Serbia nuk do të ketë më kurrë një president që demonstron një vetëmohim të tillë dhe i vë gjithçka në plan të dytë për hir të vendit. Është një nder për mua të marr këtë detyrë nga një person i tillë”, deklaroi ajo.

Të fundit