Flash News

GJKKO shpërfill thirrjet e organizatave ndërkombëtare, hyn në fuqi rregullorja që kufizon median

Nga sot, pritet të reduktohen autobusët; shoqatat kërkojnë kompensimin e karburantit

Posta e mëngjesit/ Me 2 rreshta: Çfarë pati rëndësi dje në Shqipëri

Pas qindra viktimave, shfaqet kërcënimi i ri pranë kufirit Nepal-Tibet

E zuri korrenti teksa rregullonte depozitën e ujit, humb jetën 27-vjeçari në Kamëz

Ditari i Opozitës

“Ministrat mos të tregojnë ku janë domatet më të lira”, Tabaku: Transparenca nis nga PPP-të

Politiko 28 August 2026, 14:21

Screenshot 2026-08-28 140807.png

Nisma e qeverisë për transparencën e çmimeve ka sjellë reagimin e deputetes së Partisë Demokratike, Jorida Tabaku, e cila e konsideron atë një qasje të pamjaftueshme përballë rritjes së kostos së jetesës.

Përmes një videoje në rrjetet sociale, Tabaku argumenton se qytetarët nuk kanë nevojë për udhëzime se në cilin treg duhet të blejnë produktet ushqimore, por për masa që ndikojnë realisht në çmimet që paguajnë çdo ditë.

“Tashmë është fakt që specat, domatet dhe të gjitha zarzavatet e frutat shiten më shtrenjtë në Shqipëri sesa në vendet e rajonit. Dhe çfarë bën qeveria?”, shprehet ajo.

Sipas Tabakut, përgjigjja e qeverisë ndaj çmimeve të larta nuk duhet të jetë orientimi i konsumatorëve drejt tregjeve të ndryshme, por ndërhyrja për të ulur kostot e prodhimit dhe për të rritur konkurrencën.

Ajo propozon mbështetje më të madhe për fermerët dhe prodhimin vendas, luftë ndaj monopoleve dhe oligopoleve, ulje të taksave dhe rritje të subvencioneve për bujqësinë.

Një nga shqetësimet e ngritura prej saj lidhet me importet. Tabaku thekson se një pjesë e produkteve që konsumohen në Shqipëri vijnë nga jashtë, ndërsa prodhuesit vendas përballen me kosto të larta dhe, sipas saj, me mungesë mbështetjeje nga shteti.

Në këtë situatë, ajo përmend edhe çmimin e karburanteve si një faktor që rëndon mbi koston e produkteve bujqësore. Karburanti ndikon në procesin e prodhimit, transportit dhe shpërndarjes, duke u reflektuar më pas në çmimin që paguan konsumatori.

“Qytetarët nuk kanë nevojë për ministrat që t’u tregojnë se në cilin treg duhet të shkojnë. Sot kanë nevojë për politika konkrete”, thotë Tabaku.

Video e plotë: 

 

Të fundit