Flash News

Leak or technical glitch? Ballon d'Or website announces winners prematurely

The ten finalists for the 2026 Ballon d'Or are revealed, including Messi

Albanian youth last in Europe for income according to purchasing power

After brutal violence at protests, State Police reminds: Do not check cell phones without a court order

Pacolli leaves SPAK after 7 hours: I filed a criminal complaint for Vlora Airport

E-TJERA

Plagosja e Erion Vishkulit, merren kamerat e Bankës së Shqipërisë

Politiko 2026-10-26 10:41:38

Plagosja e Erion Vishkulit, merren kamerat e Bankës së

Prokuroria e Tiranës ka sekuestruar pamjet filmike tek Banka e Shqipërisë, aty ku besohet se nga mund të identifikohet punonjësi i policisë së Shtetit që qëlloi me plumb gome në sy, protestuesin Erion Vishkulli.

Filmimet janë duke u verifikuar me imtësi me qëllim fiksimin e sekuencës filmike, ku është plagosur rëndë në sy, i riu Vishkulli dhe identifikimin e punonjësit të policisë që ka qëlluar.

Paralelisht me këto veprime Prokuroria e Tiranës, ka sekuestruar kartelën mjekësore që është hapur në spitalin e Traumës në Tiranë, në të cilën është qartësuar klinikisht dëmet e shkaktuara nga goditja.

Ndërsa që prej ditës së djeshme, grupi i hetimit ka dërguar në Itali një letërporosi, duke kërkuar nga autoritet spitalore ku është shtruar Erion Vishkulli, që t’i venë në dispozicion sferën e gomës që i ka mbetur në sy të riut.

Kuptohet që sfera e gomës, do i vihet në dispozicion prokurorisë shqiptare, pas heqjes së saj nga syri në operacionin që spitali italian ka mundësuar ndërhyrjen kirurgjikale.

Hetimet për plagosjen e rëndë të Erion Vishkulit, nisën mbrëmjen e të shtunës, kur prokuroria u njoh me pamjet filmike të transmetuara në media, në të cilat protestuesi shfaqet i gjakosur në syrin e majtë.

Vishkuli, rrezikon të humbë shikimin, ndërsa mjekimi i tij u transferua në Itali, pasi spitali "Nënë Tereza" dhe ai i Traumës në Tiranë, nuk ishin në gjëndje të realizonin ndërhyrjen kirurgjikale.

Ky nuk është hetimi i vetëm që prokuroria e Tiranës ka hapur ndaj dhunës policore të shfaqur ndaj këtyre 13 ditë protesta të studentëve dhe të rinjve shqiptarë.

Në total janë 10 dosje penale të hapura, ndërsa dhjetëra kallëzime penale janë depozituar në prokurori nga disa studio ligjore avokatie, nga Partia Demokratike dhe nga qëndra ligjore "Respublika"./Elton Qyno - Syri.net

Të fundit