Flash News

GJKKO shpërfill thirrjet e organizatave ndërkombëtare, hyn në fuqi rregullorja që kufizon median

Nga sot, pritet të reduktohen autobusët; shoqatat kërkojnë kompensimin e karburantit

Posta e mëngjesit/ Me 2 rreshta: Çfarë pati rëndësi dje në Shqipëri

Pas qindra viktimave, shfaqet kërcënimi i ri pranë kufirit Nepal-Tibet

E zuri korrenti teksa rregullonte depozitën e ujit, humb jetën 27-vjeçari në Kamëz

Ditari i Opozitës

Berisha: Veliaj nisi sulmin e hapur ndaj Ramës, po bëhet një “kalë i ngordhur”

Politiko 29 August 2026, 13:07

Kreu i Partisë Demokratike, Sali Berisha, ka komentuar përplasjet mes kryeministrit Edi Rama dhe kryebashkiakut të Tiranës, Erion Veliaj, pas vendimit për heqjen e kompetencave të deleguara ndaj nënkryetares së Bashkisë, Anuela Ristani.

Duke iu përgjigjur një pyetjeje të një qytetari në lidhje me zhvillimet brenda Partisë Socialiste dhe mundësinë që Bashkia e Tiranës të kalojë te PD në zgjedhjet e ardhshme, Berisha e interpretoi vendimin e Veliajt si një sfidë të drejtpërdrejtë ndaj Ramës.

Sipas Berishës, Rama është dobësuar ndjeshëm dhe po përballet me një sulm të hapur nga brenda mazhorancës.

“Akti i djeshëm i Erion Veliajt dëshmon përfundimisht se Edi Rama po bëhet një kalë i ngordhur që dalin tani t’ia heqin dhe patkonjtë”, deklaroi Berisha.

Ai tha se Rama ndodhet “në rrethim” dhe se lëvizjet e tij nga një vilë qeveritare në tjetrën tregojnë, sipas tij, pamundësinë për të ushtruar kontroll të plotë mbi situatën.

“Në këtë kuadër është fillimi i hapur i sulmit të Erion Veliajt ndaj tij”, u shpreh Berisha.

Kreu i PD-së iu referua edhe vendimit të Gjykatës Kushtetuese për procedurën e shkarkimit të Veliajt, duke argumentuar se momenti i zgjedhur nga kryebashkiaku për të sfiduar Ramën është tregues i dobësisë së kryeministrit.

“Moment që u zgjodh nga Erion Veliaj për t’i hedhur dorezën dhe për ta sfiduar në mënyrë përfundimtare është dëshmi e dobësisë ekstreme të Edi Ramës”, tha ai.

Berisha e cilësoi si “pozitive” përplasjen mes Ramës dhe Veliajt, duke argumentuar se sa më shumë të përshkallëzohet konflikti mes tyre, aq më shumë dëmtohet mazhoranca.

“Sa më shumë të shkërmoqen, t’i nxjerrin sytë njëri-tjetrit, aq më shumë e meritojnë”, përfundoi Berisha.

Të fundit