Flash News

Video/ E rrëzojnë, e tërheqin zvarrë dhe e shkelmojnë në këmbë, pamjet e dhunës policore ndaj të riut

Përshkallëzohet protesta, policia nis shoqërimet e dhunshme të studentëve

Policia nis hedhjen e gazit lotsjellës dhe ujit me presion

Policia e Shtetit e përfshirë në shkelje masive dhe të koordinuara të të drejtave të njeriut

Tensione të forta në Lezhë, i mituri bie në tokë i gjakosur, pas ndjekjes nga policia (video)

Ditari i Opozitës

Berisha thirrje për mobilizim në protestën studentore: Lini çdo gjë dhe bashkohuni me ta

Politiko 14 October 2026, 12:54

Berisha thirrje për mobilizim në protestën studentore: Lini

Kryetari i Partisë Demokratike, Sali Berisha, u ka bërë thirrje demokratëve dhe qytetarëve që t'i bashkohen protestës së studentëve në Tiranë, duke e cilësuar situatën si një moment historik.

Në një deklaratë për mediat, Berisha akuzoi kryeministrin Edi Rama dhe drejtuesit e Policisë për dhunën e ushtruar ndaj protestuesve. Ai pretendoi se disa prej tyre ndodhen në spital dhe kanë nevojë për ndërhyrje kirurgjikale.

Kreu i PD-së përmendi gjithashtu përhapjen e protestave dhe bojkotit të mësimit në disa universitete dhe shkolla në vend. Sipas tij, studentët e Universitetit të Tiranës iu përgjigjën ndërhyrjes së Policisë me një grevë të përgjithshme, ndërsa lëvizjes i janë bashkuar edhe studentë në Elbasan, Vlorë, Shkodër, Durrës dhe Korçë.

Berisha akuzoi qeverinë për përpjekje për të kufizuar protestën, duke përmendur edhe situatën në gjimnazin “Ismail Qemali”. Ai pretendoi se gjatë përplasjeve policia ka ushtruar dhunë të rëndë ndaj protestuesve, përfshirë një rast ku një personi të rrëzuar përdhe i është thyer këmba.

Duke iu referuar reagimit të qeverisë ndaj situatës, Berisha deklaroi se Rama po përpiqet të shmangë përgjegjësinë politike duke kërkuar shkarkimin e drejtuesve të Policisë, ndërsa sipas tij, përgjegjësia për urdhrat që çuan në ndërhyrje i takon kryeministrit.

Në përfundim, kreu i opozitës deklaroi se Partia Demokratike do të vijojë të mbështesë protestën studentore dhe u bëri thirrje demokratëve dhe qytetarëve të lënë angazhimet e tyre dhe të dalin në krah të studentëve.

“Lërini çdo gjë dhe bashkohuni në këto momente historike për të mbrojtur dhe mbështetur fuqimisht studentët dhe protestën e tyre”, ishte thirrja e Berishës.

Të fundit