Flash News

Video/ E rrëzojnë, e tërheqin zvarrë dhe e shkelmojnë në këmbë, pamjet e dhunës policore ndaj të riut

Përshkallëzohet protesta, policia nis shoqërimet e dhunshme të studentëve

Policia nis hedhjen e gazit lotsjellës dhe ujit me presion

Policia e Shtetit e përfshirë në shkelje masive dhe të koordinuara të të drejtave të njeriut

Tensione të forta në Lezhë, i mituri bie në tokë i gjakosur, pas ndjekjes nga policia (video)

Rajoni

BE “i troket në derë” Greqisë, hap procedura shkeljeje për disa direktiva

Politiko 25 September 2026, 17:00

Komisioni Europian ka nisur procedura shkeljeje ndaj Greqisë për moszbatimin në kohë të disa rregullave të Bashkimit Europian në legjislacionin kombëtar.

Në rastin e energjisë elektrike, Greqia është mes 18 vendeve anëtare që nuk kanë njoftuar transpozimin e plotë të rregullave të reja europiane në legjislacionin vendas. Këto rregulla lidhen me të drejtat e konsumatorëve, përfshirë mundësinë për të zgjedhur dhe ndryshuar furnizuesin, si dhe aksesin në oferta më konkurruese dhe inovative.

Athina është përmendur gjithashtu, së bashku me 25 shtete të tjera anëtare, për moskomunikimin e masave të nevojshme për përfshirjen në legjislacionin kombëtar të rregullave të reja për tregjet e hidrogjenit dhe gazit të dekarbonizuar. Paketa synon të nxisë përdorimin e gazrave të rinovueshme dhe me karbon të ulët, përfshirë hidrogjenin, duke garantuar sigurinë e furnizimit dhe përballueshmërinë e energjisë.

Procedurat ndaj Greqisë nuk kufizohen vetëm te sektori energjetik. Komisioni Europian ka ndërmarrë hapa edhe lidhur me zbatimin e rregullave europiane kundër pastrimit të parave. Në një prej rasteve, Komisioni ka konstatuar mangësi në transpozimin e dispozitave që lidhen me veprat penale dhe sanksionet për pastrimin e parave.

Komisioni ka vënë gjithashtu në fokus zbatimin e rregullave europiane kundër trafikimit të qenieve njerëzore.

Greqisë i është lënë një afat prej dy muajsh për t'iu përgjigjur kërkesave të Komisionit dhe për të marrë masat e nevojshme. Nëse përgjigjja nuk konsiderohet e mjaftueshme, procedura mund të kalojë në fazën pasuese, përmes një opinioni të arsyetuar.

Të fundit