Flash News

Video/ E rrëzojnë, e tërheqin zvarrë dhe e shkelmojnë në këmbë, pamjet e dhunës policore ndaj të riut

Përshkallëzohet protesta, policia nis shoqërimet e dhunshme të studentëve

Policia nis hedhjen e gazit lotsjellës dhe ujit me presion

Policia e Shtetit e përfshirë në shkelje masive dhe të koordinuara të të drejtave të njeriut

Tensione të forta në Lezhë, i mituri bie në tokë i gjakosur, pas ndjekjes nga policia (video)

Bota

BE ashpërson masat ndaj Rusisë, 1,600 sanksione të reja kundër industrisë ushtarake

Politiko 12 October 2026, 15:56

BE ashpërson masat ndaj Rusisë, 1,600 sanksione të reja

Bashkimi Evropian ka miratuar gati 1,600 sanksione të reja ndaj Rusisë, me fokus të veçantë te kompleksi ushtarako-industrial i Moskës.

Lajmi është bërë i ditur të hënën nga shefja e diplomacisë së BE-së, Kaja Kallas, gjatë Forumit të Sigurisë në Varshavë. Sipas saj, më shumë se gjysma e masave të reja lidhen me zinxhirin e prodhimit të raketave balistike.

“Më shumë se gjysma lidhen me zinxhirin e prodhimit të raketave balistike”, deklaroi Kallas gjatë forumit.

Ministrat e Jashtëm të vendeve anëtare të BE-së kanë ratifikuar të hënën marrëveshjen për masat e reja, e cila ishte arritur paraprakisht të mërkurën e kaluar.

Paketa e re synon të rrisë presionin ndaj sektorëve që lidhen me kapacitetet ushtarake të Rusisë, në një kohë kur BE vijon politikën e sanksioneve ndaj Moskës për shkak të luftës në Ukrainë.

Në të njëjtin forum në Varshavë ka folur edhe presidenti ukrainas Volodymyr Zelensky, i cili u ndal te procesi i anëtarësimit të Ukrainës në Bashkimin Evropian.

Zelensky tha se Ukraina po vijon punën për përmbushjen e kërkesave të nevojshme për anëtarësim, duke shprehur bindjen se vendi i tij po afrohet me BE-në.

“E ardhmja evropiane e Ukrainës është afër”, deklaroi presidenti ukrainas.

Të fundit