Flash News

GJKKO shpërfill thirrjet e organizatave ndërkombëtare, hyn në fuqi rregullorja që kufizon median

Nga sot, pritet të reduktohen autobusët; shoqatat kërkojnë kompensimin e karburantit

Posta e mëngjesit/ Me 2 rreshta: Çfarë pati rëndësi dje në Shqipëri

Pas qindra viktimave, shfaqet kërcënimi i ri pranë kufirit Nepal-Tibet

E zuri korrenti teksa rregullonte depozitën e ujit, humb jetën 27-vjeçari në Kamëz

Ditari i Opozitës

Bardhi: Shqiptarët paguajnë për një incenerator që nuk ekziston, Tirana po mbytet nga plehrat

Politiko 29 August 2026, 16:31
Bardhi: Shqiptarët paguajnë për një incenerator që nuk

 

Deputeti i Partisë Demokratike, Gazment Bardhi, ka reaguar për situatën e mbetjeve në Tiranë, duke akuzuar qeverinë për keqmenaxhim dhe mungesë përgjegjësie.

Në deklaratën e tij, Bardhi shprehet se qytetarët shqiptarë vijojnë të paguajnë për një incenerator që, sipas tij, nuk ekziston, ndërsa Tirana përballet me një situatë të rënduar me mbeturinat.

Sipas tij, paratë e qytetarëve vijojnë të paguhen, ndërsa shërbimi mungon dhe përgjegjësia politike dhe administrative fshihet pas propagandës.

REAGIMI:

Shqiptarët vazhdojnë të paguajnë për një incenerator që nuk ekziston, ndërsa Tirana po mbytet nga plehrat. Ky është modeli i qeverisjes së papërgjegjshme: paratë e qytetarëve paguhen, shërbimi mungon dhe përgjegjësia fshihet pas propagandës.

Plehrat kanë zaptuar çdo cep të Shqipërisë, madje edhe zemrën e saj, Tiranën. Dhe ndërsa qytetarët përballen çdo ditë me këtë realitet të turpshëm, pushteti vazhdon të bëjë sikur nuk sheh, nuk dëgjon dhe nuk mban përgjegjësi.

Është skandaloze dhe e papranueshme që një vend që pretendon të anëtarësohet në Bashkimin Europian të prezantohet para botës me qytete të mbuluara nga mbeturinat dhe me miliona të paguara për një incenerator që nuk ekziston. Kjo nuk është paaftësi. Është dështim politik dhe administrativ.

Qytetarët meritojnë shërbim, transparencë dhe llogaridhënie, jo propagandë, justifikime dhe fatura që i paguajnë ata.

Tirana nuk ka nevojë për propagandë. Ka nevojë për një qeverisje që punon dhe mban përgjegjësi. Mjaft me arrogancën e pushtetit. Mjaft me shpërdorimin e parave publike. Koha për përgjegjësi dhe llogaridhënie ka ardhur.

Të fundit