Flash News

Police fire tear gas at protesters on the boulevard, injuring a girl

Barbaric violence against protester, group of policemen beat him relentlessly

"They kidnapped us in the middle of the square"/ American denounces: Men in black and with sticks took the young people

Police violence continues! The young man was standing still, the officer slammed him to the ground with force

Video/ They knock him down, drag him and kick him in the leg, footage of police violence against the young man

E-TJERA

Monopoli që fshihet pas kioskave të Tiranës

Politiko 2026-10-16 18:33:24

Monopoli që fshihet pas kioskave të Tiranës

Nga Ola Xama

Kjo është gërmadha e jetës, e punës, e mundit dhe djersës, e ëndrrave dhe shpresave i një familjeje të zakonshme. Prindër të zakonshëm, që hapin derën në mëngjes për të çuar në mbrëmje të ardhurat dhe për të shtruar tryezën me ndershmëri.”

Kjo ishte fraza me të cilën kryeministri Edi Rama tentoi të prekë sot opinionin publik, lidhur me aktet e dhunës që dogjën një ditë më parë disa kioska në kryeqytet.

Duke hequr çdo përgjegjësi nga vetja, e duke ia lënë turmës që sipas tij do na marrë dhe ato pak që kemi, Edi Rama, sërish gënjeu. Përdori zjarrin e vënë ndaj një biznesi për propagandë. 
Kioska që u dogj dhe që ai tha se bashkë me të iku dhe mundi i jetës së një familjeje ndodhet në lulishten “3 Vëllezërit Frashëri” në kryeqytet. Logo e kioskës mbante emrin “Kubo” dhe rezulton në pronësi të rrjetit “Kube sh.p.k”, me pronar biznesmenin nga Kosova Kushtrim Kasumi.

Rrjeti zotëron 101 kioska në kryeqytet, ka dhjetra të punësuar dhe sipas raportimeve të vetë kompanisë u shërben mbi 5 mijë klientëve në ditë. Firma realizon 2 milion euro xhiro vjetore, ndërsa fitimi i viteve raportuese 2025 dhe 2024 është 170 mijë euro.

Shoqëria importon mallra që vijnë nga një tjetër kompani e z.Kasumi, Pestova sh.p.k., e cila në Kosovë ka një xhiro vjetore 10 milion euro në vit.

Disa nga këto dyqane, iu jepen me qira individëve të caktuar, ku qiranë e vendos biznesi “Kube” dhe mallrat që duhet të tregtohen furnizohen nga ai. Për ta kuptuar si skemë: në vend që familja që e punon të marrë vetë të drejtat në bashki, i paguan qira atij që ka patur lidhjet për të marrë këto të drejta.

Hapja e kioskave në Tiranë iu dha si e drejtë eksluzive pronares së televizionit Top Chanel nga kryebashkiaku Erion Veliaj në vitin 2016, por pas disa problemeve me detyrimet ndaj furnitorëve, biznesi u shit. Procedura u bë pa garë dhe nuk pati asnjë sqarim se përse dhjetra kioska duhet të punohen nga një njeri i vetëm dhe të mos ndiqen politika sociale për t’ia dhënë familjeve të papuna.

Nga kjo kuptohet qartë se kryeministri jo vetëm gënjen, por ai është pala më e interesuar që të shkatërrohen biznese, sidomos ajo kategori që ofron një histori të bukur për tu propaganduar më pas në media.

Të fundit